Enda mujur ba peresa ukai pengujung dunya

 

Enda mujur ba peresa ukai pengujung dunya

 

Genap kali deka peresa perintah baka peresa SPM, sida penguasa sekula lalu ngangau orang luar datai ke sekula minta sida meri jaku seleka dua ngagai bala nembiak sereta minta sida meri jaku peransang.

Kelimpah ari jaku peransang bisi mega sida ke dikangau nya diasuh ngenataika licha senentang chara mina stres tauka stress management.

Suah bendar bala pengajar enggau sekula nangkan nembiak sida enti enda nemu mina stres enggau betul sida deka ngasaika diri tusah enti pemutus peresa SPM sida enda manah. Amat tauka enda penerang tu? Sama-sama mih kitai bela berati enggau silik bepelasarka penemu aku tu.

Ambika chunto, enti nembiak nya semina bulih dua A ba SPM lalu enda ulih nampung pelajar ngagai kolej ti manah. Katika nembiak nya ba penemu kita, benung napi peresa tauka napi skuad timbak?

Nyadi ba penemu aku baka tu.

·       Mayuh amat opsyen dikena bala nembiak nampung pelajar sida sepengudah SPM.

• Nadai siku bedulika SPM lebuh sida udah tama kolej tauka maya ngiga kereja.
• Identiti sida enda ibuh dikunchi bepelasarka pemutus peresa sida.
• Taja pan sida bulih pemutus peresa ti enda manah nya ukai reti pengidup sida jemah ila mega enda manah.

(Peratika enti kita semina ngambi empat pekara di atas, 

artikel tu udah teulihka juluk iya lalu nuan tau patut ngetu macha.) 

Taja pan penemu aku enda tentu nyamai dibacha tang aku enda nesalka jaku ke udah dikenataika 

aku tu lagi. 

Ari gaya pekara ke nyadi, laban ke teleba irau ketegal  akademia, pekara ke dipejuraika aku nya semampai nyadi.

Risiko ti enda dipeda sereta enda dikibuhka

Penyakit bala nembiak ke ngasaika diri stres enggau trauma nya bala amat ngirauka 

semua kitai. 

Keterubah, iya balat nyadi ketegal fakta nembiak ke benung umur sida mudah gegarak

(ari sukut biologi) kena rampit emosyen, ngambi risiko, ngiga pekara baru lalu stres ketegal

pangan serambau. Nembiak lelaki enggau indu maya tu benung ba tikas umur sida a) ngasaika sakit emosyen ti balat lalu b) ngereja pengawa ti enda menuku ke ngasuh sida pedis

deka diperubatka.

Enggau semua pekara ke nekan sida baka pekara ukai akademik ke enda sedia bisi ti ditapi sida (baka seksualiti, identiti, pekit entara diri menyadi, raban sukan, semua nya ditambah enggau batu api ari media sosial kemaya hari tu), katika kitai agi bepikir madah pejal akademik ulih meransang sida nyulut?

Perkara kedua ti ngemaruhka nembiak Asia ke stress nya baka ni kitai apai indai enggau pengajar enda nyaup sida, laban kitai seruran meda penusah enggau risiko nya pekara ti mit. Bisi sekeda standard menibung pinang ke suah ayan nyadika isu:

• Kitai selalu serebana madah penusah ti ngeribatka kitai ba tempat kereja lalu kitai mega nemu stres ti ditapi bala nembiak nya mega tau nganu sida lebuh sida napi pekara nya  ─ tang kitai nadai kala bepikir kitai mega bisi nekan sida lebuh kitai ngasuh sida mujur nyadi penyukung akademik. Nya pekara ti enda manah
• Kitai suah bejaku senentang "penyelai" nembiak enggau individu ─ tang kitai enda kala berunding kediri ke kelalu balat ngarapka sida lati dalam semua subjek. Penemu tu belaban enggau pengamat utai ke nyadi.
• Kitai meransang penau enggau pengawa beberika perais ─ tang di sekula kitai nyeridaka subjek baka PJ, seni, muzik, tanda, enggau ti bukai  baka ke subjek tu semina dikena beperindang aja.
• Kitai selalu ngulu seminar, macha bup enggau baum senentang chara "mina risiko" (dalam pekara wang, dalam organisasyen, etb.) ─ tang mimit aja apai indai ti nemu risiko nya tetap bisi lebuh kitai ngansak bala nembiak ngulihka status Top Scorer.

Lebuh komuniti Asia nyembah sereta bepetaraka gred akademik, tu tau ngujungka 80-90 persin nembiak ngasaika baka orang ti rugi, ketegal iya ke terang bendar ba sida nya pengelati akademik (baka mega pengelati ba main bol, nulis enggau nyadi tukang masak ti lati) semina domain ba sekeda orang aja. Reti nya ukai semua nembiak ulih ngenataika diri ba tikas nya.

Idea ke ngansak semua nembiak ngulihka semua A ba peresa endang utai ke enda masuk akal, ambika chunto baka bala apai indai ke ngansank semua nembiak nyadi baka  Cristiano Ronaldo enggau Serena Williams.

Belajar berpelasarka pengelebih (Strength based learning) mai reti meri nembiak milih subjek ti tau ngasuh sida lati lalu ukai bepelasarka langka rapat selama  "ngulih enggau naka pemayuh ulih nuan".

Chara Mutar

Pekara ti pengabis berat iya nya badu nyangkal hal tu. #Pengerai Mental udah nyadi isu ti ditemu mensia mayuh; chukup ngalitka ati lebuh kitai meratika enda mayuh bala apai indai ke mejal nembiak lati ba akademik nemu pengawa sida nya tau mai penusah ngagai bala nembiak sida.

Kedua, nyangka perintah enggau sekula patut meri perati ngagai chara belajar bepelasarka pengelebih diri.  Nama kebuah Igat, Abun tauka Ah Meng mesti diperansang lati dalam Matematik enti a) terang-terang sida nya lati ba bidang bukai lalu b) Matematik balat nengkebang mayuh agi penanggul ari chara mutarka iya?

Belajar bepelasarka pengelebih diri nya mai reti, meri nembiak milih subjek ti ulih ngasuh sida lati lalu ukai  langkah rapat baka ke selama iya nya “ngulih enggau naka pemayuh ulih nuan”.

Tu reti nya kitai nerima penerang ti madah ukai genap iku nembiak nya deka balat agi  nyulut  dalam Matematik, enda ngira berapa jam kelas tambah ti diberi ngagai sida. Iya mega nyangka tau ngasuh sida gaga ati laban pekara tu ti beguna bendar maya sida  belajar laban kitai pan bela nemu kitai lati agi enti pengawa ti dikerejaka kitai nya ngerinduka ati.

Kitai patut beratika nadai siku madahka enda ngawa enti kitai enda bebendar gawa. Nembiak patut diajar ngena mayuh macham chara dikena nyeliahka diri ari ngembuan ulah ti kelalah tang garis mesti digaga entara pengawa nerenak disiplin enggau ngarapka utai ti realistik.

Pengamat ti pengabis beguna sereta ulih mai pengelepas sereta ulih diterima nembiak SPM iya nya realiti ke madah SPM nya ukai  Pekara ti Pengabis Beguna di dunya.

Tu berita manah. Taja pan kita enda bulih pemutus peresa ti manah peresa nya agi ulih mantu kitai mimit. Kebuah pia, laban iya jauh agi ari entara   "idup engga mati."

Selamat ngambi peresa.

* Tu semina penemu personal penulis.