Pandemik Nguji Kreativiti Raban Pengajar

 

Opis Menteri Pelajar (KPM) ngerahka semua nembiak sekula primari enggau Pom Satu datai ke Pom Lima di sekula sekondari nitihka proses Ngajar enggau Belajar di Rumah (PdPR) berengkah ari 21 hari bulan Satu 2021 nerima mayuh macham timbal ari apai indai baik nya positif tauka negatif.

Ari pun udah bisi ke serebana ketegal mayuh ngeluarka belanja dikena bebelika  pekayan uniform sekolah, kasut, beg, bup enggau kereban bukai. Enda kurang mega nyau bisi berasai lantang ati mimit lebuh ninga penyampau orang ke kena rampit COVID-19 taja pan bisi mai ati ti nangi.

Ari tuduh penemu KPM, nyelit asai ati ti agi ngaru senentang pengulih nitihka proses  belajar di rumah. Ungkup sida ke bisi ngembuan komputer kediri empu nyengkaum komputer pangku, tablet, telefon pintar dan injin penyelak tauka scanner di rumah, gaya belajar diperatika besistematik agi. Ruang ke nyamai sereta diungkupka aktiviti belajar mega mantu anak fokus agi belajar.

Ukai semua apai indai ulih nyediaka fasiliti baka ke udah disebut. Peranti enggau akses internet mega besekat, penyampau anak ti mayuh sereta agi beteremit, ruang sempit sereta apai indai dipejal bekereja di luar ngasuh proses belajar di rumah puntan dipejalaika baka menasan jalai jelu..

KPM ngemeratka ekula enggau pengajar berundingka semua penanggul ti dipai bala nembiak  di rumah lebuh netapka langkah rapat ti manah sereta engkeman dikena bejalaika pengawa ngajar enggau belajar (PdP) di rumah.

Umur enggau ulah nembiak mega enda patut dikira mudah. Ukai semua nembiak ulih  nengkua chara belajar online. Motivasyen enggau momentum lati mega beguna amat lebuh nentuka PdPR nya semitan.

Faktor guru kurang landik dalam teknologi mega nyangka enda ulih disangkalka. Neleba diri enggau norma baru dalam pengawa belajar ukai nyamai kelebih agi sida ke udah veteran. Pengelandik enggau peneleba sida maya ngajar ba mua nembiak enda ulih dikenataika enggau efektif enti sida kurang bepenemu senentang teknologi kemaya hari.(Kehebatan dan pengalaman mereka semasa mengajar secara berhadapan tidak dapat disalurkan dengan efektif sekiranya kurang pengetahuan mengenai teknologi terkini).

Berengkah ari 21 Januari, sesi besekula terus dipejalaika taja pan menua kitai agi betapi enggau COVID-19. Nadai kompromi unkup pengawa belajar. Nya alai, belajar nengha chara online nya langkah rapat ti pengabis manah  maya menua benung sigau tu.

Guru harus kreatif mengendalikan proses penyampaian ilmu supaya tiada pelajar mahupun ibu bapa tertekan dan terbeban. Biarlah kaedah itu mudah, praktikal, ekonomikal dan selesa bersesuaian dengan tahap kemampuan.

Antara sesi pengajaran mudah ialah dengan membuat rakaman video. Ia memberikan kelebihan apabila pelajar boleh melihat dan mengenali wajah guru, manakala rakaman boleh diulang tayang untuk ulangkaji.

Banyak aplikasi pengajaran menarik dan interaktif sesuai dengan kaedah Revolusi Industri 4.0 (IR4.0) yang boleh dicuba guru. Namun lebih baik andai guru memilih satu medium tetap supaya pelajar tidak keliru.

Latihan dan kerja rumah juga mestilah tidak terlalu banyak dan membebankan. Ada sekolah mengambil langkah meletakkan set latihan untuk pelajar di bakul khas di pondok pengawal. Tugasan siap akan diletak kembali ke dalam bakul berkenaan, sekali gus sesuai digunakan untuk pelajar yang tidak mempunyai gajet.

Apai indai mega patut nyukung enggau penuh lalu ngemudahka pengawa pengajar nyediaka utai ti diguna maya PdP tu enggau naka ulih. Iya patut dikumbai pengawa ke beranakka puku ungkup nembiak jemah ila laban penemu ulih dikenataika ngagai sida.

Komunikasi dua piak mesti dikemeratka mega tang anang datai ke nekan sida. Apai indai enggau pengajar ngembuan tanggung pengawa ti besai ngemujurka PdP tu.

Situasyen tu enda mayuh bebida enggau universiti. Nyau dua semester raban pengelicha enggau nembiak universiti 'belaban' dalam dunya siber pelajar tinggi. Pengelicha nyangka benasi manah laban runding enggau ulah nembiak universiti tuai agi sereta matang. Tu mantu ngemudahka proses PdP dini-dini endur sida.

Taja pan baka nya, bisi mega nembiak universiti 'alah' maya belaban ketegal mayuh macham faktor.  Entara faktor nya nyengkaum  kurang iya pengibuh apai indai ke sida, kandang rumah ti engkeman endur, dipejal bekereja dikena nampung penatai pemisi diri sebilik tauka nyaga bala diri sebilik sereta disempulang enggau motivasyen ti nurun.

Taja pia, kitai mesti neruska pengidup norma baru taja pan dipejal napi pekara ti tu mar. Pengawa ngulihka pelajar ti pengabis manah ungkup bala anak enda ulih diteju pia aja.

Kitai ngarapka raban tukang tarak majak liat ati napi situasyen tu seraya ke bebekalka peneleba enggau pengelandik. Iya ke bendar sustainabiliti raban pengajar, deka nempa pengelati generasyen ti baru.

Saru penemu

 

Empai lama ti udah aku bisi tebacha pasal siti pejah senentang pekara ti bisi kaul enggau pelajar jaku Iban sereta penuduk iya dalam guna jaku sereta pemansang jaku kemaya hari tu. Ketegal ti berasai sinu medah pejah jaku nya ditu aku nguji ngulurka penemu diri senentang tuju belajarka jaku Iban ba sekula sereta penuduk guna jaku Iban dalam pemansang jaku kemaya hari tu. Endang enda ngalitka ati enti agi bisi orang ke ukai ngajar jaku Iban nya sereta sida ke ba luar kandang sekula agi bisi saru penemu sereta enda tentu nemu senentang pekara tu.

Jaku Iban nitihka dokumen Turai Pelajar Jaku Iban Sekula Primari enggau Sekondari madahka jaku tu diajar kena nyuluk niat ati bansa Iban ti sayau sereta deka ngemansangka jaku Iban nya. Nambahka nya, iya mega tau nyadi kereban ti beguna dikena ngerakupka kaul entara raban, bansa Iban enggau bansa Iban tauka entara bansa Iban enggau bansa bukai. Nya alai lebuh kurikulum tu diubah setipak enggau program transformasyen perintah dia jaku Iban dalam Kurikulum Standard Sekula Primari ngangkat jaku Iban tu nyadi mata pelajar elektif setipak enggau jaku China, Tamil enggau Arab. Iya meri peluang ngagai nembiak berengkah ari primari satu belajarka jaku Iban sereta tau dikerembai sereta dipelajar nembiak bansa bukai. Endang amat raban bansa Iban sayau ke jaku Iban taja pan ukai semua lalu bedau bisi pansik mansikka penyampau orang Iban ke sayau ke jaku Iban. Raban bansa Iban deka ngemansangka jaku Iban. Raban bansa Iban deka ngena jaku Iban ngerakupka kaul entara Iban enggau Iban sereta entara Iban enggau raban bansa bukai.

Nambahka nya mega, juluk ati kurikulum jaku Iban disediaka kena nyediaka nembiak awakka sida ulih bejaku enggau lanchar ngena jaku Iban Standard. Kitai bela nemu raban bansa Iban diau ngachir ba serata menua Sarawak. Jaku ari ai siti ngagai ai siti bisi ke enda sebaka chara nyebut lalu suah agi dikumbai varian dalam penemu linguistik. Tang nya ukai nyadi penanggul. Pia mega enggau bansa bukai ke bisi diberi peluang belajarka jaku Iban. Pekara tu tentu begunaka jaku ti standard ngambika ulih dikena belajar enggau ngajar di sekula. Jaku Iban standard dikena ngambika semua ulih nyebut sereta nulis ngena chara ti sama. Hal tu kemaya hari tu udah nadai agi dipetalatka laban udah diterima semua lapis komuniti baik nya tuai-tuai bansa Iban, pengajar enggau raban apai indai. Kebuah pia enti nadai standard jaku Iban pekara ti nyemaka chara nyebut enggau nyepil leka jaku Iban deka nyadika penanggul. Ambika banding, pemacha berita jaku Melayu baik nya ari Kelantan tauka Sarawak bela ngena jaku Melayu standard lebuh sida macha berita baik nya ba radio tauka televisyen. Tang ba hal jaku Iban naka ke diatu jaku Iban standard semina dikena lebuh di sekula aja laban agi bisi agensi bukai baka radio, tv enggau opis-opis ke bisi ngena jaku Iban dalam pengawa sida lalu empai nyemakaka chara nyebut enggau nuliska leka jaku Iban. Pekara ti baka tu mih ke patut diperundingka sida ke bisi mekuh pengawa Iban baka gerempung ti bisi kaul enggau jaku Iban.

Juluk ati ti kedua belajarka jaku Iban di sekula nya nitihka ti disebut dalam turai pelajar jaku Iban nya iya nya dikena neruska waris daya idup Iban ngambika enda lenyau mabun laya nitih aki ini Iban ke Serawai Mandai Betangga Tunggang lalu semina nyadi pesaka sida Titik Nasan Pantau Ajan Panjai Lengan, Tuai Sebayan ba Bedega Lintang Takang.

Ari dua juluk ati ti udah dikusai tadi dia kitai ulih nyimpulka penemu ti madah jaku Iban ukai deka nyadika medium dikena belajarka semua mata pelajar bukai  ba sekula. Kebuah pia kitai udah nerima jaku Melayu nyadika jaku rasmi ke dikena nyadika medium dikena belajarka semua mata pelajar bukai di sekula. Kitai mega enda ulih nyemakaka jaku Iban enggau jaku China tauka jaku Tamil laban jaku sida tu udah lama ngerembai indah dulu agi ari jaku Melayu sereta dikena ba menua China enggau India sereta mega ba serata menua di dunya ke bisi diuan raban bansa China enggau Tamil.

Nya alai jaku Iban enda ulih diangkat nyadi jaku dikena ba penemu teknikal laban naka ke diatu juluk ati belajarka jaku Iban tu ukai deka ngasuh kitai belajar undang-undang, sains enggau ke bukai dalam jaku Iban. Tang taja pia, jaku Iban enda ulih enda ngambu jaku bansa bukai nyadi sebagi ari jaku Iban laban mayuh leka jaku ke dikena kemaya hari tu nadai bisi dikena maya rambau aki ini raban bansa Iban menya. Semina utai ti patut dijaga nya enda bangat ngambi leka jaku Melayu enti iya bisi dalam jaku Iban. Leka jaku terpaksa, penting, ngurus enggau sekeda leka jaku Melayu ti bukai endang bisi dalam jaku Iban. Nya mih kebuah enti kitai nya bansa Iban, anak kitai Iban, uchu ambu kitai Iban patut bendar mih kita kaban belayan suku juru belajarka jaku Iban ngambika jaku Iban enda pupus, enda danjan dibai bulan enda lesi dibai hari.  Balat sinu mih kitai enti tepedaka orang Iban ke ngena nama Iban bejaku ngena jaku bansa bukai lebuh dipinta meri penemu senentang jaku Iban ba mua raban bansa Iban.

Tang taja pan baka nya, ukai reti iya jaku Iban tu enda ulih dipansikka ngena jaku bansa bukai. Tu penemu ti enda tentu engkeman. Anang mih kitai lalu nyadung berita madahka jaku Iban tu nadai tikas tinggi, nadai standard laban jaku Iban dipansik ngena jaku Melayu tauka English. Indahka jaku Melayu pan bisi dipansik sereta ditulis dalam jaku bansa bukai. Ngelamata tu pan mayuh penulis kelebih agi ari barat nulis senentang jaku enggau budaya bansa Iban. Tu ukai nyadika penanggul tang meri pengelebih laban iya ulih dibacha semua raban bansa bukai ngambika sida bisi pengerindu sereta ransing deka nemu pendiau enggau pengidup raban bansa Iban.

Nya alai, enti kitai endang orang bansa Iban sereta ngembuan pelajar tinggi anang nangi ngemaruhka diri laban baka ular taja pan iya ensuruk urat enda mih pemisa iya lenyau. Arapka utai ti dipekunsika ditu ulih nyadika tenggau enggau lalau kitai lebuh bejakuka jaku Iban laban niat ati semina deka ngulurka penemu senentang pekara tu lalu udah tu ila endang nadai mih agi ngulang iya baka pasang besintak salau.

 

Awak Ti Manah Alai Ngemeranka Pengawa Macha

 

Mayuh bala nembiak kemaya dia belajar ari rumah sekumbang pandemik Covid-19 tu ngerekai. Enggau awak ti chukup mayuh nya kelebih agi lalu ditangkanka enggau peremisi sekula, dia bala apai indai berasai tusah deka ngasuh sida duduk terenah di rumah.

Program televisyen enggau main ba komputer semina ulih ngenan sida mindah sekejap aja. Udah nya sida lalu berasai leju. Taja pia, siti ari chara ngasuh minda tauka runding terenah sereta merindang sida iya nya enggau chara bebachaka bup. 

Nembiak redak enggau orang besai tuai ke udah ngembuan pengerindu enggau media chelak nemu pemesai reti leka jaku ba sesebengkah lambar bup. Bisi sekeda nya berasai tusah deka ngelengkaka sereta nyeraraka diri ari bup pama sida udah berengkah bejalai, mantau sereta kiruh enggau pengawa romance ke bisi dalam bup ti dibacha sida nya. Pengelantang enggau pengaga lebuh udah nunyau diri enggau pengawa macha nya enda ulih ditiu enggau leka jaku.

Apai indai ke deka ngumpan sereta nerenak bala anak ngambika sida ngembuan pengerindu macha iya nengah chara meransang sida milih siti bup ke dikerinduka sida. Apai indai patut meli bup ke anak sida lalu mai sida ke kedai bup. Bai mega sida ke librari rama lalu registerka sida nyadi raban librari nya.

Ba kandang menua ti dibaruh perintah mindah betagang dia apai indai ulih ngelawa Internet enggau anak sida lalu meli bup ngena chara online. Apai indai mega patut berunding numbuhka librari mit di rumah diri empu. Sida ulih ngumpul bup tauka majalah.

Peremisi sekula nya maya ti manah dikena bala nembiak ngambi peluang macha enggau ekstensif dikena ngisi maya lepa seraya ngerinduka ati diri macha mayuh leman bup. Peninggi reti macha enda ulih dikemaruhka pia aja laban iya udah ditemu ulih ngubah idea pengidup siku-siku individu.

Budaya macha ulih nerenak ulah ti manah, ngilir runding sereta ngerembaika penemu enggau peneleba. Iya nyadika andau entara pengawa ngulihka penemu enggau  pengelandik  linguistik sereta mai penguntung ti signifikan nengah peneleba virtual, pengawa ngulihka penemu, ngasahka runding sereta ngerembaika pemansang emosional.

Nya kebuah pengawa nerenakka ulah macha ba nembiak nya pengawa ti patut dikemeratka.

Macha ba bala anak mega mai pemanah dalam timpuh awak ti panjai. Sida lalu ngembuan pengerindu deka macha sereta belajar sepemanjai maya.

Apai indai patut ngagihka awak dikena sida sebilik macha ari ti meda cherita ba televisyen. Apai indai patut nyadika chunto model orang ke rindu macha maya lepa laban iya nadai tentu reti enti apai indai empu enda ngayanka ulah nya tang semina ngasuh bala anak aja macha. Asuh bala anak idup sereta besai dikelingi enggau mayuh bup ngambika sida mansang rindu ke bup sereta rindu bebachaka bup.

Nya alai, kitai sama bela ngarapka nembiak ngisi maya sida di rumah enggau macha mayuh leman bup laban nya tentu ulih muka runding sida ngagai penemu baru lalu nyediaka sida nyadi pasport matau mayuh leman penemu sereta nyikap sida enggau kereban dikena belajarka utai baru.